Javier Feijoó (BADAJOZ, 1960).-
Javier Feijoó, busca en su alma los mejores sentimientos para transformarlos en poesía viva, una poesía castúa que no deja a nadie indiferente. Su primera obra “De la Corteza a la Encina” se agotó en pocos meses teniendo una cogida favorable de la crítica. Manuel Pecellín Lancharro en su Bibliografía Extremeña (1997-1999) comenta. “… el poeta dialectal nos ofrece una de las obras más dignas que en este habla conocemos”.
“Javier Feijóo es el mas fiel representanti la escuela chamiciana n’Estremaura. La su puesia traïcional mos palra de sintimientus d’ergullu, runchaerus, penaerus i atihu a lo que el pueta de Guareña llamó “castúo”.
La puesia el Feijóo está escrebia en castúo, con vozis esgarrás unas vezis i otras con tiernus remurmulleus, puestus nel papel colos mós ortugráficus chamicianus.”
Fraili Carmona
Algunas obras: De la Corteza a la Encina (1998), Asina Sentimientos en Castúo (2000), Ocurrencias (2002)
Güérfanos de verbos
¡Agilen p’alantre los que tién curtura!
¡Agilen p’alantre los que tién talento!
¡Qu’agilen delantre tós los qu’han leío
porque yo no pueo!
Na más soy poeta,
de los de nacencia, de los extremeños.
Y afilo mi pluma con la mi experencia,
y arrebusco, y jimplo, y escarbo’n los verbos.
¡Yo diré detrás con el mi magín
jilvanando versos!
Y es que yo cavilo:
Pa tirá del carro d’este galraero
a mí me s’ocurre que los ilustraos
tién que dir primeros.
Y aluego nusotros,
con versinos nuevos,
manque’n jarapales nus jagamos trizas
nuestros sentimientos,
pasino a pasino
jaremos sendero.
Y arrebuscaremos aquellas vereas
arrescondiínas por los nuestros pueblos;
castúas palabras, aquellas qu’antaño
icían los agüelos;
recaínos nuestros, los mesmos qu’hogaño
s’enrëan con el tiempo;
y güenos poemas, versos qu’en la tierra jueron enraigaos
por jondos pensares de grandes maestros.
¡Versos qu’entoavía
nus calan mu adrento!
Porqu’Extremadura es tierra arrogante
qu’esparramó cielo
por los escondrijos más arrebuscaos
d’este firmamento;
y los que jacemos memoria
d’aquello,
con la savia nueva
de los nuevos versos,
a viejos poetas
jonramos sin mieo.
¡Agilen p’alantre los que tién curtura
y nus abran paso a los poetas nuevos!
Pa que asín s’empollen
nietos y bisnietos
de la nuestra galra…
…¡qu’entoavía hay tiempo!
Y palren asina,
y sin miëo manejen tós los nuestros verbos,
esos que nus jinchan el pecho d’ergullo
a los extremeños.
¡Qu’agilen p’alantre, qu’agilen con ganas
los que tién talento,
los que tién curtura,
los nobles, los güenos, los sabios maestros!
¡Naide s’acagace!
¡Naide tenga mieo!
Qu’asín arrejunde dende su nacencia
la juerza d’un pueblo
que labró los mares más arrebataos
y sembró caraite’n la tierra adrento
regao con sangre,
suores y esjuerzos.
Y asina emigraron nuestros campusinos,
nuestros labraores, los nuestros ancestros.
Y asina soñaron gorvel ergullosos
con una mijina de gloria y dinero.
¡Pero jueron tantos los que se quearon
durmíos en el tiempo!
Su lágrima seca
dio retoños nuevos,
y endispués los nietos
y aluego’l silencio.
Y quiciás por eso hoy endilgo un chillo
con töas las mis juerzas a ese nuestro cielo,
al desparramao por los escondrijos más arrebuscaos
d’este firmamento:
¡Gorvel emigrantes!
¡Gorvel extremeños!
¡Gorvel cuantiantes manque na más sea
pa la fiesta’l pueblo!
¡Gorvel con la galra qu’arrebujaína’n aquellos jatos
sus llevastis lejos!
¡Gorvel a la tierra d’aonde sus llevastis
la vos qu’andenantes l’ascuché al agüelo!
¡Gorvel emigrantes!
¡Gorvel cuantiantes pa danos aliento!
¿No veis que nusotros, los qu’aquí queamos,
los que reguñimos con nusotros mesmos
sin tirá con juerza del carro eschangao
d’este galraero,
dende que sus juistis pa esos andurriales,
pa esos otros pueblos,
semos unos probes
güérfanos de verbos?
La noch’e la riá
El otoño metío’n agua
había jormäo mil riachuelos
que cargaban los arroyos
a su paso po los pueblos;
y ya había argunos pantanos
con mu poco pa está llenos.
Aquel octubre jué gris,
casi tós los días lloviendo,
pero naidi barruntaba
que juera a sé tan en serio.
Prencipió’l mes de noviembre
entöavía con más genio
y en la madrugá del seis
s’ajuntaron lluvia y viento
estremeciendo la noche
¡era una noche de perros!
Aquello da miëo contaglo.
Como’l peó de los sueños.
Tós los riachuelos y arroyos,
qu’andenantes iban secos,
jueron llenando’l Rivillas
y su cauce bien repleto
s’adentraba’n Badajó
con la juerza d’un deseo.
Y el Calamón, por su lao,
¡ese sí que venía güeno!
Había cruzäo to Valverde
con la rabia de los celos
arrasando po las calles
to lo qu’encontró por medio.
Y pa colmo, en las ajueras,
antes e pasá po’l Cerro,
en metá de las corrientes
enrabietás com’un trueno,
s’abía jormäo un amasijo
con barro y con bichos muertos,
con ramajos y con troncos
arrancäos e cuajo enteros;
y con coches esguazaos
amontonäos en to’l medio,
enreäos con la chatarra
y con tejaos de jierro
reventäos de los doblaos
po la juerza de los vientos,
apresando los dos cauces
y anegando los barbechos.
Era alréo de la una,
casi naide cogía’l sueño
la gente’l Cerro e Reyes
prencipió a sentí argún mieo;
pero enjamás cabilaron,
Soneto en Soledá (¡Asina!)
El miajón de mi fosca soledá
s’ha empapao de la juerza de mi canto
lambiendo’l lagrimón que arranca’l llanto
y estrujando mis versos sin piedá.
P’al río de las letras sin edá
m’arrempuja la magia de su encanto
y bebo en el torrente de su manto
sin rebujo qu’esconda salvedá.
Asín brotan los versos de mi alma,
en la orilla d’ese río qu’ajuye
al mar del pantaruja y la bislama.
¡Asina! Este sentimiento fluye
p’ajuntase con la miel de la palma
aonde mi corazón amor diluye.
Fuente: Asina. Sentimiento cástuo
Triana, no sólo te coloqué entre los enlaces de Los Convidados. Tienes que leer el post que esta semana le dedico a Pavese. La sorpresa está al final. Asómate.
Un beso
Antonio
Último post en la Web de…Antonio Sarabia…Pavese a los cien años
Mil gracias Antonio.
Un abrazo.